سوسيس بالمشروم (سجق)

- 5 حبات سوسيس الوسط اللي هو بالظبط طوله قد الشبر
- 1 فلفل رومي ( حلقات )
- 1 بصله وسط ( حلقات )
- 1 طماطم وسط ( حلقات )
- 1 علبة ماشروم مقطع حلقات
- 1 ماجي + 2 كوب ماء
- 2 م/ك صلصة أو معجون طماطم
- ملح + فلفل
- شطه ( اختياراي ) ممكن نحط بدلها قرنين فلفل ( اختياري برده )
- ½ ملعقه صغيرة بهارات مشكل ان وجد
- 2 م/ك زيت
- جبنه شيدر مبشور
الطريقة:

- نحط الزيت في مقلايه غويطه وكبيرة او حله عادي اللي يريحكوا ونشوح فيها البصل والفلفل والطماطم لغاية ماتددبل مش تتحرق اوك ونكون محضرين السوسيس مقطع حلقات وياريت نغير شويه في شكله يعني نقطعه بالورب كده زي مثلا ما بيقطعوا الخيار في المطاعم بورب يكون شكلها اسطواني وبعدين ندوب الماجي في كوبايتن الميه ونحط الملح والفلفل والبهارات وحبة شطه بس ده اختياري أو قرنين الفلفل ونعمله ميكس وندوب فيه الصلصه ونصبها فوق السوسيس وبعدين نسيبها كده تغلي غلوتين ونحط الماشروم لانه بيكون شبه مستوي ونسيبها كده لغاية ما الصلصة تتسبك يعني تتقل كده ونطفي عليها والاحسن دوقوها شوفوها نقصه ملح او حاجه.
- نجيب صينية فرن كبيره على قد الكمية ونحط فيا الخلطه كلها بعد ما استوت ونحط فوقها الجبنه الشيدر المبشور انا برجح الجبنه الشيدر اللي بتكون قطعة واحدة ونبشرها في البيت لان الجبنه الموزريلا مش بتسيح حلو وبتكون لسه شكلها زي ماهو ولونها بس حو اللي بيتغير، المهم بعد مانحط الجبنه من فوق نحطها في الفرن ونفتح عليها من فوق لغاية ما الجبنه تسييح ولونها يبقى دهبي كده وتجنننننننننننننننننننننن.

وبالهنا والعافيه عليكوا،،،