إزي حضراتكم

موضوع: إزي حضراتكم الأحد نوفمبر 04, 2007 9:45 am

السلام عليكم و رحمة الله و بركاته
إزي حضراتكم ؟ يا رب تكونوا بخير

رمضان خلص و زكاة المال إندفعت و اللى فاضل يا دوب على أد أضحية العيد الكبير

لكن

الناس التانيين إحتياجاتهم ملهاش معاد و للأسف (الكوارث اللى بتحط على دماغهم ) مش عايزه تحترم نفسها و تضبط روحها على المناسبات اللى إحنا بنوقتها لنفسنا للتواصل مع الغير و فعل الخير

و العمل

حاولنا مساعدة اغلب الناس اللى في ورطات حقيقيه خلال الفترة الماضيه من خلال الجمعيه من غير ما نكتب عنهم لحضراتكم و اعتذرنا لعدد كبير منهم اللى مقدرناش نساعدهم
لكن كان في 3 منهم مينفعش نعتذر لهم و برده مش قادرين نكمل لوحدنا معاهم
عشان كده ارجوكم تهتموا بأمرهم قدر إمكانكم

الأولى - يا الدفع يا الحبس

سيده بسيطه تعمل موظفه حكوميه و هي الوحيده اللى بتصرف على بيتها
من 6 سنوات إتولد لها طفل عنده إعاقه في رجليه و الدكاترة قالوا لها إنها لازم تلحقه و هو صغير بمجموعة عمليات عشان يتعالج راحت سيتي بنك و عملت قرض بحوالى 9 الاف جنيه و مضت ورق على السداد على اقساط و بعد فترة تعثرت في السداد و وصلت لإنهم حددوا لها غرامات للتأخير و بعدين نصحوها تخلص نفسها بإنها تعمل قرض تاني تسد منه الأول بدل ما تترفع قضيه و عملت كده فعلاً و اصبح عليها قسط القرض التاني و غرامة تأخير الأول و نفس الموضوع تكرر للمرة الثالثه و اصبح مش نافع تسد قرض من قرض و لا نافع تسدد القسط و الغرامات راح البنك رافع عليها قضية ب 17 الف جنيه اجمالى مبلغ ال3 قروض و موعد الجلسه

26 /11/2007

و مفيش أى تفاهم خلاص يا الدفع يا الحبس و حاولنا ندفع جزء من المبلغ و الباقي يتقسط و هم رافضين و دلوقتي كل اللى
معانا 4500 جنيه بس لهذه السيده يعني فاضل 12500 جنيه يا ريت اللى مهتم يساعد هذه السيده بأى شئ يتصل

بالأنسه هند أحمد على رقم 0121099601

و يا ريت اللى يساهم معانا يسيب رقمه و اسمه عشان لو المبلغ لم يكتمل و السيده لا قدر الله لا قدر الله لا قدر الله إتسجنت
نرجع لكم الفلوس بتاعتكم

الثانيه - مريضة قلب

سيده مسنه تسكن في احد الأحياء العشوائيه بالقاهرة مريضة قلب و حالتها حرجه محتاجه تعمل ملية قلب مفتوح و إجمالى المبلغ 3000 جنيه آخر فرصه لعمل العمليه 1/12/2007 و كل ما بدرنا كان افضل
معانا منهم 1500و فاضل 1500

الإتصال على مدام فاطمه 0164604248

الثالثه - البيت إتهد على راسها

سيده بالقليوبيه هي و أولادها يسكنون بغرفه صغيرة ملهاش سقف تقريباً و الحيطان تصدعت بالكامل فجريوا و خرجوا خارج البيت خوفاً من ان يتهدم فوق رؤسهم و ناموا جنب الغرفه في الشارع على امل إن حد يرممها و يعيد بنائها و ده كان في اول رمضان و كلمنا الناس كتير لكن محدش كان عايز يساهم في البيت خالص كلهم كانوا دفعوا فلوسهم خلاص في شنط رمضان

و إتفقنا مؤخراً مع مقاول يرمم على مراحل حتى نستطيع تدبير المبلغ المطلوب ولكن بعد المعاينه تبين ان البيت لا يصلح للترميم نهائياً و لابد من إزالته تماماً و إعاده بناءه و الناس نايمين في الشارع

فكان الحل البديل هو إيجاد غرفه مماثله بمقابل مادي بسيط و بالفعل وجدنا هذه الغرفه إجمالى مبلغها 6000 جنيه و إتفقنا مع صاحبة البيت اللى هي قريبة السيده المتضرره من سقوط البيت إننا حندفع 2000 جنيه فقط مقدم و الباقي
على قسط شهري 150 جنيه
وجدنا إن السيده المتضررة في مقدورها دفعه و المطلوب حالياً هو ال2000 جنيه فقط لا غير

الإتصال على تليفون جمعية المقسطين الخيريه 0222701722

اللهم أجعلني خيراً مما يظنون و اغفر لى ما لا يعلمون و ارحمني يوم يبعثون